འདོན་སྤེལ། 2015/07/10 1:28 PM རྩོམ་པ་པོ།

11738019_1103622852986565_4238389892091619133_n དེང་རབས་རི་མོ་བ་ཡོན་ཏན་རྡོ་རྗེ་ནི། ༡༩༧༨་༥་༡༥ ཉིན་སྡེ་དགེ་འཇོ་མདའ་རུ་ཆུ་གཉིས་མདོའི་སོག་རུ་གྲོང་ཚོ་ལ། dege yontan (5) ཕ་ཞོ་ཕད་ཚང་ཀུན་དགའ་རྣམ་རྒྱལ་དང་། མ་ཕུན་ཚོགས་ལྡིང་ཁང་ཚང་ ཟླ་བ་སྒོལ་མ་གཉིས་ཀྱི་བུར་སྐྱེས། ཆུང་དུས་རྫི་བོ་འགྲོ་བའི་སྐབས་རྡོ་ལེབ་ཀྱི་ངོས་སུ་རྡོ་དཀར་དམར་གྱི་རི་མོ་འབྲི་བ་དང་། རྡོ་ལ་ཡི་གེ་དང་རི་མོ་འདྲ་མིན་བརྐོ་རྒྱུ་སོགས་ལ་ཧ་ཅང་དགའ་བོ་ཡོད་། dege yontan (6) རྗེས་སུ་གཉེན་ཉེ་ཞིག་གི་རྩ་ནས་རི་མོ་འདྲ་མི་འདྲ་སྦྱོང་ཁུལ་བྱས་པ་ཙམ་ལས་་དམིགས་བསལ་རི་མོ་ཆེད་སྦྱོང་དེ་འདྲ་བྱེད་མྱངས་མེད། ཕྱིས་སུ་བཙན་བྱོལ་དུ་འབྱོར་རྗེས་རི་མོ་སྡེ་ཚན་གྱི་སློབ་གྲྭར་ཕྱིན། རི་མོ་འཛིན་གྲྭ་ནང་ལ་སྲོལ་རྒྱུན་རི་མོ་དང་དེང་རབས་རི་མོ་བཅས་སྡེ་ཚན་གཉིས་སུ་ཡོད་པ་ལས། ཁོང་འཛིན་གྲྭ་ནང་སླེབས་ཚར་ནས་ཉིན་བཅོ་ལྔའི་རྗེས་ལ་ཡིག་ཚད་ཁེལ་ཡོད། འོན་ཀྱང་ཁོང་གིས་རྒྱུགས་བཏང་སྟེ་དེང་རབས་རི་མོའི་བྱ་དགའ་ཨང་༣ པ་ཐོབ་ཡོད། སྐབས་དེར་ཕ་ཡུལ་གཅིག་པའི་སློབ་མ་ཚོས་ཧ་ཅང་དགའ་བོ་བྱས་པ་སོགས་ཀྱིས་ཁོང་ལ་རྗེས་མའི་ཡིག་ཚད་ལ་ཨང་དང་པོའི་བྱ་དགའ་ཐོབ་པ་བྱེད་དགོས་བསམ་པའི་སྤོབས་པ་སྐྱེས། dege yontan (9) རྗེས་སུ་སློབ་ཚན་འགྱུར་བ་ཕྱིན་ཏེ་རི་མོ་འཛིན་གྲྭ་ལ་གློག་ཀླད་དང་ད་དུང་བོད་དབྱིན་གཉིས་ཀྱི་སློབ་ཚན་ཀྱང་ཡོད་པ་བཟོས་པའི་ཟླ་བ་རྗེས་མའི་རྒྱུགས་སྤྲོད་སྐབས་། དེང་རབས་རི་མོའི་ཨང་དང་པོ་དང་། བོད་ཡིག་ཨང་དང་པོ། དབྱིན་ཡིག་ཨང་དང་པོ་བཅས་ཀྱི་བྱ་དགའ་གསུམ་ཐེངས་གཅིག་ལ་བླངས། དེ་ནས་གཟུང་རི་མོའི་ཡིག་ཚད་ག་དུས་བཏང་ཀྱང་དེང་རབས་རི་མོ་ཨང་དང་པོའི་བྱ་དགའ་རྐྱང་རྐྱང་བླངས་ཡོད་པས་མ་ཚད། དགེ་རྒན་དང་སློབ་གྲོགས་ཚོས་ཁོང་གི་རི་མོ་ལ་ཧ་ཅང་དགའ་མོས་དང་བསྟོད་བསྔགས་ལན་མང་ཐོབ། སློབ་ཡུན་ལོ་གསུམ་ཡིན་ཀྱང་གནས་དོན་གཞན་གྱིས་རྐྱེན་པས་ལོ་གཅིག་ལྷག་ཙམ་ལས་སློབ་གྲྭར་འདུག་ཁོམས་མ་བྱུང་། དེང་སྐབས་ཡུ་རོབ་གླིང་དུ་སློབ་གྲྭར་འགྲོ་ཞོར་དུ་ཁྱིམ་ནས་སོ་སོའི་དགའ་ཕྱོགས་དང་འབྲེལ་བའི་རི་མོ་འབྲི་བཞིན་ཡོད། ཁོང་གིས་གང་ལྟར་རི་མོས་ང་ལ་མདུན་ལམ་སྐྲུན་ཀྱང་མ་སྐྲུན་ཀྱང་ རི་མོ་ནི་ངའི་སེམས་ཁམས་དང་ཧ་ཅང་མཐུན་ལ་ང་དང་རི་མོ་ནི་ནམ་ཡང་ཁ་འབྲལ་ཐབས་མེད་པ་ཞིག་ཡིན་ཞེས་གསུང་བྱུང་།

བསམ་ཚུལ་འབྲི།

' རྩོམ་འོག་མ།

ཆུ་སྒང་བརྒྱ་དཔོན་སྡེ་དགེ་སྤམ་ཁ་མགོན་པོ།

དེང་རབས་རི་མོ་བ་ཡོན་ཏན་རྡོ་རྗེ་དང་ཁོང་གི་རི་མོ།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།