འདོན་སྤེལ། 2016/11/12 6:44 PM རྩོམ་པ་པོ།

dege དེའང་འདི་ཟླའི་ཕྱི་ཚེས་ ༡༠ ནས་ ༡༢ བར་ཉིན་གསུམ་རིང་སྡེ་དགེ་རྒྱལ་ཡོངས་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༣ པ་དང་། ཚོགས་ཆེན་ཐེངས་དང་པོ་དེ་བཞིན་རྒྱལ་ས་ལྡི་ལི་རུ་སྐོང་ཚོགས་ཞུས་ཏེ་དེ་རིང་རྒྱལ་ཁའི་ངང་ཚོགས་འདུ་གྲོལ་ཡོད་པ་རེད། ཚོགས་འདུ་དེར་བོད་མི་མང་སྤྱི་འཐུས་འཇུ་ཆེན་དཀོན་མཆོག་ཆོས་སྒྲོན་ལགས་དང་། སྤྱི་འཐུས་དབྱངས་ཅན་སྒྲོལ་དཀར་ལགས། སྤྱི་འཐུས་ཀུན་དགའ་བསོད་སྟོབས་ལགས། དེ་བཞིན་དབུས་རྒྱུན་ཚོགས་གཙོ་འཆམ་ར་དྲི་མེད་རྒྱལ་མཚན་ལགས་ཀྱིས་གཙོས་དབུས་རྒྱུན་ལས་རྣམ་པ་དང་། ཨ་རི། སུད་སི། སྦེལ་ཇམ། ཧྥི་རན་སི། བལ་ཡུལ། རྡ་ས། ལྡི་ལི། སྦིར། མཚོ་པདྨ། ལྡེ་ར་ལྡུན་གྱིས་མཚོན་པའི་ས་གནས་རྒྱུན་ལས་ཁག་དང་། ས་ཁང་ཚོགས་ཆུང་གི་ཚོགས་མི་དང་ཕུ་ནུ་གྲོས་རའི་རྒྱུན་ཟུར་དང་ས་གནས་འཐུས་ཟུར་རྣམ་པས་གཙོས་ཚོགས་ཞུགས་མི་སྣ་གྲངས་ ༥༠ ཙམ་འདུ་འཛོམས་བྱུང་ཡོད་པ་རེད། ཚོགས་ཐེངས་འདིར་༸གོང་ས་༸རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་སྐུ་ཚེ་ཡུན་དུ་བརྟན་ཕྱིར་ཞབས་རིམ་གསོག་སྒྲུབ་ཀྱིས་མཚོན་པའི་སྐུ་ཕྱྭའི་སྐོར་དང་། འདས་པའི་ལས་དོན་དང་རྩིས་ཁྲ་ཁག་ལ་ཞིབ་བཤེར་གནང་རྒྱུ། མང་ཚོགས་ཀྱི་བདེ་དོན་སྒྲུབ་སྟངས། དེ་བཞིན་སློབ་ཕྲུག་གྲངས་ ༨ ལ་ལོ་རེར་སློབ་ཡོན་དོད་ཧིན་སྒོར་ ༡༡༠༠༠ རེ་འབུལ་རྒྱུས་མཚོན་པའི་ཤེས་རིག་རྒྱུན་འཛིན་དང་དེར་སྐུལ་འདེད་གཏོང་ཐབས་སོགས་གྲོས་ཆོད་ཁག་ ༧ སྤྱི་མོས་སུ་གཏན་འབེབ་བཟོས་ཡོད་པ་རེད། དེ་བཞིན་ལས་རིམ་གཙོ་བོ་ཞིག་ནི་དབུས་འོས་བསྡུ་ཚོགས་ཆུང་སྐབས་དང་པོས་དབུས་རྒྱུན་སྐབས་གཉིས་པ་འོས་འདེམས་ཐོག་བསྐོ་བཞག་བྱས་ཡོད་པ་རེད།

ཚོགས་གཙོ་འཆམ་ར་དྲི་མེད་རྒྱལ་མཚན། ཚོགས་གཞོན་སྐུ་ངོ་སྤྱི་འཐུས་དབྱངས་ཅན་སྒྲོལ་དཀར། དྲུང་ཆེ་བླ་ཁྲི་ལྷག་པ་རྒྱལ་མཚན། རྩིས་པ་ཚེ་དབང་བསོད་ནམས། དངུལ་གཉེར་ཆོས་གྲགས། དཔལ་འབྱོར་འགན་འཛིན་བཀྲ་ཤིས། ཁྲོ་ལ་འཚེམ་ཁང་འགན་འཛིན་ཚེ་རིང་སྒྲོལ་མ་བཅས་སྤྱི་མོས་སུ་ཐག་གཅོད་བྱས་ཡོད་པ་རེད།

འོས་བསྡུ་ཚོགས་ཆུང་སྐབས་དང་པོ།
ཆོས་དབྱིངས་རྒྱལ་མཚན། གཡུ་རྒྱལ། བྱམས་པ།

ཟུར་དཔང་།
སྤྱི་འཐུས་འཇུ་ཆེན་དཀོན་མཆོག་ཆོས་སྒྲོན། སྤྱི་འཐུས་ཀུན་དགའ་བསོད་སྟོབས། ཕྱག་མཛོད་ཚུལ་ཁྲིམས་རྡོ་རྗེ།

བསམ་ཚུལ་འབྲི།

' རྩོམ་འོག་མ།

སློབ་ཕྲུག་གྲངས་ ༨ ལ་ལོ་རེར་སྒོར་ ༡༡༠༠༠ རེའི་སློབ་དོད།

གྲོས་ཆོད་ཁག་ ༧ སྤྱི་མོས་སུ་བཞག་སྟེ་ཚོགས་འདུ་གྲོལ་བ།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།