འདོན་སྤེལ། 2019/02/23 12:12 PM རྩོམ་པ་པོ།

དེ་རིང་ཕྱི་ཚེས་ ༢༣ ཉིན་གྱི་སྔ་དྲོར། སྡེ་དགེ་རྒྱལ་ཡོངས་ལྷན་ཚོགས་ཀྱི་དབུས་ལས་ཁུངས་སུ་གསེར་རྡོ་ཚང་རྡོ་རྗེ་དབང་དྲག་ལགས་ལ་བཀའ་དྲིན་རྗེས་དྲན་གྱི་གཟེངས་རྟགས་ཤིག་འབུལ་ལམ་ཞུས་ཡོད་པ་རེད།

dege dojee དེའང་ ༢༠༡༩ ཕྱི་ཟླ་ ༢ ཚེས་ ༢༣ ཉིན་གྱི་སྔ་དྲོའི་ཆུ་ཚོད་ ༡༡ སྟེང་། སྡེ་དགེ་རྒྱལ་ཡོངས་ལྷན་ཚོགས་ཀྱི་དབུས་ལས་ཁུངས་སུ། ཚོགས་གཙོ་འཆམ་ར་དྲི་མེད་རྒྱལ་མཚན་ལགས་དང་། སྡེ་དགེ་ས་ཁང་ཚོགས་ཆུང་གི་ཚོགས་མི་འཛི་སྒར་མཁན་པོ་བསོད་ནམས་བཀྲ་ཤིས་ལགས་རྣམ་པ་གཉིས་ཀྱིས་དབུས། དབུས་རྒྱུན་ལས་དང་རྒྱུན་ཟུར་ཁག་ཅིག་ལྷན་འཛོམས་ཐོག ཕྱི་ལོ་ ༢༠༡༨ ལོའི་ཕྱི་ཟླ་ ༡༡ པའི་ནང་། སྡེ་དགེ་རྒྱལ་ཡོངས་ལྷན་ཚོགས་ཀྱི་འགན་ལྷན་ཐེངས་ ༤ པའི་ཚོགས་ཐོག་ནས་སྡེ་དགེའི་གསོལ་མགྲོན་ཁང་གསར་རྒྱག་སྐབས། ཞལ་འདེབས་རྒྱ་ཆེན་གནང་མཁན་གྱི་སྦྱིན་བདག་རྣམ་པ་དང་། སྐྱེད་མེད་བུན་གཡར་ཕོན་ཆེན་གནང་མཁན་བཅས་གཏོང་ཕོད་ཡངས་པའི་མི་སྣ་ཁག་ཅིག་ལ་༼བཀའ་དྲིན་རྗེས་དྲན་གྱི་གཟེངས་རྟགས་༽རེ་འབུལ་ལམ་ཞུས་ཡོད་པ་ལས། གསེར་རྡོ་ཚང་རྡོ་རྗེ་དབང་དྲག་ལགས་སྐབས་དེར་དངོས་སུ་བཅར་ཐུབ་མེད་སྟབས། དེ་རིང་དབུས་ལས་ཁུངས་སུ་དམིགས་བསལ་གདན་ཞུས་ཀྱིས་གཟེངས་རྟགས་དེ་དངོས་སུ་འབུལ་ལམ་ཞུས་ཡོད་པ་རེད། གཏོང་ཕོད་ཡངས་པ་ཁོང་གིས་གསོལ་མགྲོན་ཁང་གསར་རྒྱག་སྐབས་ཧིན་སྒོར་ ༦༨༠༠༠༠ ཐམ་པ་ཞལ་འདེབས་གནང་པ་དང་། འབུམ་ ༥ ཐམ་པ་སྐྱེད་མེད་བུན་གཡར་གནང་པ་ཙམ་དུ་མ་ཟད། ད་བར་ཚོགས་པའི་ལས་དོན་གང་ཐད་ལ་རྒྱབ་སྐྱོར་དང་མཐུན་འགྱུར་རྒྱ་ཆེན་གནང་ཡོད་པ་རེད།

བཀའ་དྲིན་རྗེས་དྲན་གྱི་གཟེངས་རྟགས་འབུལ་ས་གཞན་ནི།

མཆོག་སྤྲུལ་ཨོ་རྒྱན་སྟོབས་རྒྱལ་རིན་པོ་ཆེ།
རི་ཕུག་ཚང་དཀོན་མཆོག་བསྟན་འཛིན་ལགས།
འཛི་སྒར་མཁན་པོ་བསོད་ནམས་བཀྲ་ཤིས་མཆོག
dege tola hotel
(སྡེ་དགེ་ཁྲོ་ལ་གསོལ་མགྲོན་ཁང་ནི། སྡེ་དགེ་རྒྱལ་ཡོངས་ལྷན་ཚོགས་ནས་ ༢༠༡༥ ལོར་གསར་རྒྱག་ཐོག་ ༢༠༡༧ ལོར་སྒོ་འབྱེད་བྱས་ཤིང་། རྒྱ་གར་གྱི་རྒྱལ་ས་ལྡི་ལི་རུ་ཡོད། འདི་ལ་ཐོག་བརྩེགས་ ༧ ཡོད། ཁྲུས་ཁང་གསང་སྤྱོད་རང་འགྲིག་ཅན་གྱི་ཉལ་ཁང་ཁང་མིག་ ༢༠། གློག་སྐས་དང་། ཟ་ཁང་ ༡ བཅས་ཡོད། སྟེང་ཐོག་ཏུ་སྡེ་དགེ་རྒྱལ་ཡོངས་ལྷན་ཚོགས་ཀྱི་ལས་ཁུངས་ལྟེ་བ་དང་། འོག་ཁང་དུ་སྤྲིན་དཀར་བོད་ཀྱི་ལག་ཤེས་བཟོ་ཚོང་ཁང་བཅས་ཡོད།)

བསམ་ཚུལ་འབྲི།

' རྩོམ་འོག་མ།

བཀྲ་ཤིས་ལྷ་དར་ལ་ལག་ཤེས་སྒྱུ་རྩལ་གྱི་གཟེངས་རྟཊ་ཐོབ་པར་འཚམས་འདྲི།

གསེར་རྡོ་ཚང་རྡོ་རྗེ་དབང་དྲག་ལ་བཀའ་དྲིན་རྗེས་དྲན་གྱི་གཟེངས་རྟཊ་ཕུལ།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།