གསལ་སྟོང་ཤོ་སྒམ་པའི་རྣམ་ཐར།
སྡེ་དགེའི་ལོ་རྒྱུས་སྤྱི་དོན་ཟླ་ཤེལ་གསར་པའི་མེ་ལོང་ལས་དྲངས།རྩོམ་པ་པོ།སྡེ་དགེ་ཐུབ་བསྟན་ཕུན་ཚོགས།
གསལ་སྟོང་ཤོ་སྒམ།རྗེ་དྭགས་པོ་རིན་པོ་ཆེའི་སློབ་མ་གྲུབ་ཐོབ་ཁམས་པ་མི་གསུམ་གྱི་ཡ་གྱལ་ཞིག་ཡིན།གྲུབ་ཐོབ་ཁམས་པ་མི་གསུམ་ནི་ཀརྨ་པ་དུས་གསུམ་མཁྱེན་པ་དང༌།ཕག་གྲུ་རྡོ་རྗེ་རྒྱལ་པོ།གསལ་སྟོང་ཤོ་སྒོམ་གསུམ་ལ་ཟེར་ཞིང༌།དེ་གསུམ་ཀར་དྭགས་པོ་རིན་པོ་ཆེའི་སྐུ་མདུན་ལྷན་དུ་ཆོས་ཞུས་ཞིང་སེམས་ངོ་འཕྲོད་པའི་གྲུབ་ཐོབ་ཡིན་སྟབས་དགུང་ལོ་ཡང་ཕལ་ཆེར་དུས་མཉམ་ཡིན་པར་སེམས།དེས་ནས་གསལ་སྟོང་ཤོ་སྒོམ་གྱི་འཁྲུངས་དུས་དེ་ཀརྨ་པ་དུས་གསུམ་མཁྱེན་པ་དང༌།ཕག་མོ་གྲུ་པ་རྣམ་གཉིས་དང་ལོ་མཉམ་པའམ།ཡང་ན་དེ་གཉིས་ལས་དགུང་ལོ་གཅིག་གཉིས་ཀྱིས་ཆེ་བ།ཡང་ན་ཆུང་བ་ཞིག་ཡིན་ཞིང་ཆེ་ཆུང་ཆེན་པོ་མེད་པར་ངེས།འཁྲུངས་ཡུལ་ཁ་གསལ་ཡིག་ཐོག་ཏུ་འཁོད་པ་མ་མཐོང་ཡང༌།ཡུལ་མིའི་བཤད་སྲོལ་དུ་དེང་སྡེ་དགེའི་འབོས་མོ་གྲོང་དུ་འཁྲུངས་པ་རེད་ཅེས་བཤད།ཁོ་བོའི་བླ་མ་ཐང་བླ་ཚེ་དབང་མཆོག་གིས་གྲུབ་ཐོབ་ཁམས་པ་མི་གསུམ་ལྷ་སར་ཕེབས་སྐབས་རྟེན་འབྲེལ་གྱི་དབང་གིས།མ་གྲོས་རང་འགྲིག་ཏུ་དེང་དུས་དཔལ་སྤུངས་དགོན་འདབས་ཆོས་ཀྲི་གཤིས་འདིར་ཉིན་ཅིག་ལྷན་དུ་འཛོམས་པ་རེད། སྐབས་དེར་དུས་གསུམ་མཁྱེན་པ་དཔེ་ཁ་ནས་ཡར་ཕེབས་པ་དང༌།ཕག་མོ་གྲུ་པ་ཉ་ལྷུང་ནས་ཚུར་ཕེབས།གསལ་སྟོང་ཤོ་སྒོམ་དཔའ་འོག་ནས་མར་ཕེབས་པར་གསུམ་ཀ་ཆོས་ཀྲི་གཤིས་འདིར་འཛོམས་ནས་ཁོང་རྣམ་གསུམ་མཉམ་དུ་ལྷ་སར་ཕེབས་པའི་བཤད་སྲོལ་ཡོད་པ་རེད།ཅེས་གསུངས་ཀྱི་འདུགདེ་ལྟར་ན་གསལ་སྟོང་ཤོ་སྒོམ་གྱི་འཁྲུངས་ཡུལ་དཔའ་འོག་སྟོད་སྨད་གང་རུང་ཞིག་ཏུ་མིན་ནམ་སྙམ།
དེ་ལྟར་གསལ་སྟོང་ཤོ་སྒོམ་ནི། རླུང་ལས་སུ་རུང་བའི་གྲུབ་པའི་གོ་འཕང་མཐོན་པོར་བསྙེས་པའི་རྣལ་འབྱོར་པ་ཆེན་པོ། མི་མ་ཡིན་པའི་འགྲོ་བ་རྣམས་འདུལ་བའི་ལུང་གིས་ཟིན་པ་ལྟར། མི་མིན་གྱི་འགྲོ་བ་རྣམས་ལ་གང་ལ་གང་འདུལ་གྱི་ཆོས་སྟོན་ནས་འགྲོ་དོན་བསྐྱངས་བར་གྲགས། དེང་སང་གྲུབ་ཆེན་འདིའི་ཆོས་བརྒྱུད་ཕལ་ཆེར་བཞུགས་མེད་ལ། སྐུ་གདུང་མི་གཡེལ་ཕུག་ཏུ་བཞུགས་པའི་བཤད་སྲོལ་འདུག
བསམ་ཚུལ་འབྲི།
འཇམ་དབྱངས་མཁྱེན་བརྩེའི་དབང་པོའི་མཛད་རྗེས།
འབྲེལ་ཡོད་ཀྱི་རྩོམ་གཞན།
-
༧སྐྱབས་རྗེ་ཁམས་སྤྲུལ་རིན་པོ་ཆེ་དགོངས་པ་གཞན་དོན་དུ་གཤེགས་པར་མྱ་ངན་དང་གདུང་སེམས་མཉམ་བསྐྱེད་ཞུ་བཞིན་ཡོད།
-
༈ འཕགས་ཡུལ་རྫོང་སར་བཤད་གྲྭའི་མཁན་ཆེན་ཀུན་དགའ་དབང་ཕྱུག་མཆོག་གི་མཛད་རྣམ།
-
འཛི་སྒར་བླ་མ་དབང་རྡོར་རིན་པོ་ཆེའི་རྣམ་ཐར།
-
མཁན་ཆེན་རྣམ་གྲོལ་རིན་པོ་ཆེ་མཆོག་གི་མཛད་རྣམ།
-
མཁན་ཆེན་པདྨ་ཤེས་རབ་རིན་པོ་ཆེ་མཆོག་གི་མཛད་རྣམ།