ཁྲོ་ལ་བོད་ཀྱི་ལག་ཤེས་ཚོང་ཁང་སྒོ་འབྱེད་བྱས་པ།
ཁྲོ་ལ་བོད་ཀྱི་ལག་ཤེས་ཚོང་ཁང་གསར་པ་སྒོ་འབྱེད།
༄༅། །འདི་ཟླའི་ཕྱི་ཚེས་ ༢༥ ཉིན་སྡེ་དགེ་རྒྱལ་ཡོངས་ལྷན་ཚོགས་ཀྱི་ཚོང་ཁང་གསར་པ། ཁྲོ་ལ་བོད་ཀྱི་ལག་ཤེས་ཚོང་ཁང་དབུ་འབྱེད་མཛད་སྒོ་བྱས་ཏེ་ཚོང་འགྲེམ་བྱེད་འགོ་བཙུགས་ཡོད་པ་དང་། མཛད་སྒོ་དེར་སྐུ་མགྲོན་གཙོ་བོ་མདོ་ཁམས་ཆུ་བཞི་སྒང་དྲུག་གི་དཔལ་ལྡན་ཚོགས་གཙོ་གླིང་ཚང་པདྨ་བདེ་ལེགས་ཀྱིས་གཙོས་དབུས་རྒྱུན་ལས་རྣམ་པ་དང་། འཛི་སྒར་མཁན་རིན་པོ་ཆེ་བསོད་ནམས་བཀྲ་ཤིས་མཆོག་གིས་གཙོས་ལྡི་ལི་བསམ་ཡས་གླིང་གི་གནད་ཡོད་མི་སྣ་ཚོར་སྐུ་མགྲོན་དུ་ཕེབས་ཡོད་པ་རེད། ཚོང་ཁང་དེར་གཙོ་བོ་ཁྲོ་ལ་འཚེམ་བཟོ་ཁང་ནས་འཚེམ་དྲུབ་བྱས་པའི་བོད་ཀྱི་སྲོལ་རྒྱུན་ཆས་གོས་མ་འདྲ་བ་མང་པོ་ཞིག་གདམ་ཁ་བྱེད་ཆོག་པ་ཡོད་པ་དང་། བལ་ཐེར་སོགས་རྒྱུ་ཆ་འདྲ་མིན་ལས་བཟོས་པའི་བུ་དང་བུ་མོའི་ཕྱུ་བ་འདྲ་མིན་དང་། དེང་རབས་ཀྱི་མཛེས་བཟོ་ལྡན་པའི་ཆ་འགྲིག་གི་སྟོད་ཐུང་དང་ཕྱུ་བ། འབུ་རས་དཀར་སེར་དམར་སྨུག་འདྲ་མིན་དང་། འབུ་རས་སྟོད་ཐུང་འདྲ་མིན། ཝ་ར་ན་སི་དང་། རྒྱ་ནག་གི་གོས་ཆེན་འདྲ་མིན།
བོད་བཟོའི་ཁུག་མ་འདྲ་མིན། སྤུས་དང་མཆོད་སྐོང་། ཁ་བཏགས་འདྲ་མིན། དགོན་པའི་རྒྱན་གོས་ཡོ་བྱད། བླ་མའི་ཁྲི་ཆས། མཛེས་ཐང་རིགས་འདྲ་མིན། བོད་བཟོའི་སྒོ་ཡོལ་བཟོ་དབྱིབས་འདྲ་མིན་སོགས་ཡོད་པ་རེད། ཚོང་ཁང་འདི་ནི་བོད་སྒར་བསམ་ཡས་གླིང་གསར་པའི་ཆུ་བཞི་སྒང་དྲུག་གི་འོག་ཏུ་སྒོ་རྟགས་ཨང་ 3 པའི་ནང་དུ་ཡོད།
ཁ་བྱང་།
Shop # 3, Basement floor, House # 39, New Tibetan Camp.
New Aruna Nagar, Majnu-ka-tilla, Delhi-110054, India.
www.degegws.com www.en.degegws.com
E-mail: [email protected] Tel. 01123815056 Mb: +9717153449
བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།
-
སྡེ་དགེ་རྒྱལ་ཡོངས་ལྷན་ཚོགས་ཀྱི་དབུས་རྒྱུན་སྐབས་ ༣ པའི་ལོ་འཁོར་༣ གྱི་ལས་བསྡོམས་སྙིང་བསྡུས།
-
ཨ་ཧྥི་ཏབ་ཀརྨ་སིང་པུ་རེ་ཝལ་ (Aftab Karma Singh Pureval) ལགས་ཨ་རིའི་གྲོང་ཁྱེར་སིན་སི་ན་ཊི་( Cincinnati) ཡི་སྤྱི་ཁྱབ་གྲོང་ཁྱེར་དཔོན་པོའི་གོ་གནས་ཀྱི་རྒྱལ་ཁ་ཐོབ་པ།
-
བོད་ཕྲུག་༢༧་ལ་སྲིད་སྐྱོང་གི་སློབ་ཡོན་གཟེངས་རྟགས་ཐོབ་པའི་ནང་རང་རེ་སྡེ་དགེ་བའི་སློབ་མ་གཅིག་ཡོད་པ་རེད།
-
དབུས་རྒྱུན་སྐབས་གསུམ་པའི་ཚོགས་ཐེངས་གཉིས་པ་དེ་བསྐོང་ཚོགས་གནང་
-
ལོ་གསར་པའི་འཚམ་འདྲི་བཀྲ་ཤིས་བདེ་ལེགས།