འདོན་སྤེལ། 2017/10/16 2:19 PM རྩོམ་པ་པོ།

འདི་ཚེས་ ༡༣ ཉིན་ཁྲོ་ལ་གསོལ་མགྲོན་ཁང་ལེགས་གྲུབ་བྱུང་པའི་ཁང་སྟོན་མཛད་སྒོ་ཞིག་ལྡི་ལི་བསམ་ཡས་གླིང་དུ་ཚོགས་ཡོད་པ་རེད།

tashi (1) དེའང་འདི་ཚེས་ ༡༣ ནས་ ༡༤ བར་ཉིན་གཉིས་རིང་སྡེ་དགེ་རྒྱལ་ཡོངས་ལྷན་ཚོགས་ཀྱི་ཁྲོ་ལ་གསོལ་མགྲོན་ཁང་ལེགས་གྲུབ་བྱུང་པའི་ཁང་སྟོན་མཛད་སྒོ་ཞིག་ཚོགས་ཡོད་པ་དང་། དེར་སྐུ་མགྲོན་གཙོ་བོ་བྱ་རྒོད་སྲས་འཆི་མེད་རྡོ་རྗེ་མཆོག་དང་། དམིགས་བསལ་སྐུ་མགྲོན་མཆོག་སྤྲུལ་ཨོ་རྒྱན་སྟོབས་རྒྱལ་རིན་པོ་ཆེ་མཆོག དེ་བཞིན་བསམ་ཡས་གླིང་གི་བརྒྱ་དཔོན་དང་། མདོ་ཁམས་ཆུ་བཞི་སྒང་དྲུག་གི་དྲུང་ཆེ། འཛི་སྒར་མཁན་རིན་པོ་ཆེ་སོགས་ཚོགས་སྡེ་ཁག་གི་ཚོགས་གཙོ་དང་སྐུ་མགྲོན་སོགས་ཕེབས་ཡོད་པ་རེད། ཕྱི་ཚེས་ ༡༣ ཉིན་གྱི་སྔ་དྲོར་དགེ་འདུན་འདུས་པས་བཀྲ་ཤིས་བརྩེགས་པ་ཞལ་འདོན་གྱིས་ཐོག་མར་དགེ་བ་བྱས་ཏེ་སྐུ་མགྲོན་གཙོ་བོ་དང་དམིགས་བསལ་སྐུ་མགྲོན་རྣམ་པ་གཉིས་ཀྱིས་དར་མཚོན་གཅོད་འདྲེག་གིས་ཁྲོ་ལ་གསོལ་མགྲོན་ཁང་སྒོ་འབྱེད་གནང་ཡོད་པ་རེད།

དེ་ནས་དབུས་རྒྱུན་ཚེ་དབང་བསོད་ནམས་ལགས་ཀྱིས་སྐུ་མགྲོན་རྣམ་པར་འཚམས་འདྲི་དང་བཅས་མཛད་སྒོའི་མཛད་རིམ་སྙན་སྒྲོན་ཞུས་པ་དང་། ཚོགས་གཙོ་འཆམ་ར་དྲི་མེད་རྒྱལ་མཚན་ལགས་ཀྱིས་སྡེ་དགེ་རྒྱལ་ཡོངས་ལྷན་ཚོགས་ཀྱི་བྱུང་རིམ་དང་ཁྲོ་ལ་མགྲོན་ཁང་ཇི་ལྟར་ལེགས་གྲུབ་བྱུང་ཚུལ་བཅས་ཀྱི་ཐད་ནས་གསུང་བཤད་གནང་ཡོད་པ་རེད། དེའང་ཁོང་གིས་ཚོགས་པ་འདི་སྡེ་དགེ་བ་གཞིས་བྱེས་གཉིས་ཀྱི་བསམ་ཚུལ་དང་རྒྱབ་སྐྱོར་འོག་ ༢༠༡༣ ལོར་གསར་འཛུགས་བྱས་པ་དང་། tola house . དམིགས་ཡུལ་ནི་ཆབ་སྲིད་དང་མ་འདྲེས་པའི་མང་ཚོགས་ཀྱི་བདེ་དོན་ཆེད་ནད་པ་དང་ཛ་དྲག་དཀའ་ངལ་འཕྲད་རིགས་ལ་རོགས་སྐྱོར། སློབ་ཡོན་གྱི་མཐུན་འགྱུར་སོགས་ཤེས་ཡོན་ལ་སྐུལ་འདེད། སྡེ་དགེའི་བྲོ་ཆེན་སོགས་རིག་གཞུང་སྲུང་སྐྱོབ་དང་དར་སྤེལ་བྱ་རྒྱུ་བཅས་ཡིན་ཚུལ་དང་། ད་བར་ནད་པ་སོགས་དཀའ་ངལ་ཡོད་རིགས་ ༢༠ ལྷག་ཙམ་ལ་ཧིན་སྒོར་འབུམ་ ༤༠ ལྷག་གིས་གཞིས་བྱེས་གཉིས་སུ་རོགས་སྐྱོར་བྱས་ཡོད་པ་དང་། མགྲོན་ཁང་འདི་ལེགས་གྲུབ་ཡོང་བར་མཆོག་སྤྲུལ་ཨོ་རྒྱན་སྟོབས་རྒྱལ་རིན་པོ་ཆེ་མཆོག་དང་། དཀོན་མཆོག་བསྟན་འཛིན། འཛི་སྒར་མཁན་པོ་བསོད་ནམས་བཀྲ་ཤིས། སུད་སི་རྡོ་རྗེ་དབང་གྲགས་སོགས་དངོས་ཤུགས་བརྒྱུད་གསུམ་ནས་རྒྱབ་སྐྱོར་གནང་མཁན་ཚོའི་བཀའ་དྲིན་ལས་ཡིན་པ་དང་། དེ་བཞིན་དབུས་རྒྱུན་གསར་རྙིང་གཉིས་དང་ས་ཁང་ཚོགས་ཆུང་གི་སོགས་མི་རྣམ་པ། མ་ཟད་ས་གནས་རྒྱུན་དང་འབྲེལ་མཐུད་པ་རྣམ་པའི་འགན་ཁུར་འོག་རྒྱ་ཆེའི་མང་ཚོགས་ཀྱིས་ནུས་ཤུགས་གཅིག་ཏུ་སྤུངས་པ་ལས་བྱུང་ཡོད་པས་གོ་སྐབས་འདི་བརྒྱུད་བཀའ་དྲིན་ཆེ་ཞུ་རྒྱུ་ཞེས་དང་། ཐོག་མའི་ཐག་གཅོད་བཞིན་ཧིན་སྒོར་འབུམ་ ༡ ལས་བརྒལ་བ་ཞལ་འདེབས་གནང་མཁན་དང་། ཧིན་སྒོར་འབུམ་ ༥ ལས་བརྒལ་བ་བུན་གཡར་གནང་མཁན་རྣམ་པའི་མཚན་ཐོ་མགྲོན་ཁང་གི་ཟུར་དུ་བཀའ་དྲིན་དྲན་གསོའི་ཆེད་སྦྱར་ཡོད་མོད། ཆེ་ཆུང་ལས་མ་ལྟོས་པའི་ཞལ་འདེབས་དང་རྒྱབ་སྐྱོར་གནང་མཁན་ཚང་མའི་མཚན་ཐོ་རྒྱས་པ་ལས་ཁུངས་སུ་ཉར་ཚགས་བྱས་ཡོད་ལ་བཀའ་དྲིན་ཆེ་ཞུ་བཞིན་ཡོད་ཅེས་སོགས་གསུངས་ཡོད་པ་རེད།

སྐུ་མགྲོན་གཙོ་བོ་བྱ་རྒོད་སྲས་མཆོག་གིས་གསུང་བཤད་གནང་དོན། ད་རེས་མགྲོན་ཁང་འདི་འདྲ་ཞིག་ལེགས་གྲུབ་བྱུང་པ་ཧ་ཅང་དགའ་བོ་བྱུང་། འདིའི་ཆེད་དུ་ཚོགས་གཙོ་མཆོག་གིས་གཙོས་རྒྱུན་ལས་སྔ་ཕྱི་རྣམ་པ་དང་། ས་ཁང་ཚོགས་མི་རྣམ་པས་སྐུ་ངལ་ཆེན་པོ་བསྐྱོན་ཡོད་རེད། ཚང་མ་ལ་བཀའ་དྲིན་ཆེ་ཞུ་རྒྱུ་ཡིན་སོགས་གསུངས་ཡོད་པ་རེད།

tashi (2) ཕྱི་ལོ་ ༢༠༡༢ ལོར་ཕུ་ནུ་གྲོས་ར་གོང་འོག་བར་གསུམ་ཞེས་དྲ་ཐོག་གི་ཚོགས་པ་བཙུགས་ཏེ་འཆམ་ར་དྲི་མེད་རྒྱལ་མཚན་གྱིས་སྐད་ཆ་བཤད། འཆར་གཞི་བསྒྲིགས། ལས་ཀ་བྱས་པ་རེད། སྐབས་དེ་དུས་ནས་རེ་བ་ཞིག་མཐོང་སོང་། དེ་ནས་ངས་རྙིང་མ་སྨོན་ལམ་སྐབས་སུ་ཁོང་ལ་ཟུར་དུ་ཐུག་སྟེ་སྐད་ཆ་བཤད་པ་ཡིན། ད་མགྲོན་ཁང་འདི་འདྲ་ཞིག་ལེགས་གྲུབ་བྱུང་པར་ཧ་ཅང་ཡག་པོ་རེད་འདུག ཁོང་སྒེར་ལ་ཡིན་ནའང་ཕྱི་དང་ནང་ནས་དཀའ་ངལ་མང་པོ་འཕྲད་སོང་། རེད་དེ་ཐམས་ཅད་ལ་གདོང་ལེན་བྱས་ཏེ་མཐར་ཡག་པོ་རེད་སོང་། ད་དུང་ཡིན་ནའང་ཚང་མས་མུ་མཐུད་དེ་ཡག་པོ་ཡང་དག་ཡོང་བར་ཤུགས་རྒྱག་དགོས་རེད་ཅེས་སོགས་བཀའ་སློབ་ཕེབས་ཡོད་པ་རེད།

tola house མཐར་ཚོགས་པའི་ངོས་ནས་མཆོག་སྤྲུལ་ཨོ་རྒྱན་སྟོབས་རྒྱལ་མཆོག་ལ་བཀའ་དྲིན་རྗེས་དྲན་ཆེད་སྤྱན་རས་གཟིགས་ཕྱག་སྟོང་སྤྱན་སྟོང་གི་སྐུ་ཐང་སྤུས་ལེགས་ཤིག་སྐུ་མགྲོན་གཙོ་བོ་མཆོག་གིས་ཕུལ་ཡོད་པ་དང་། འབྲེལ་ཡོད་ལས་མི་དང་ལས་བྱེད་ཁག་ཅིག་ལ་ཐུགས་རྗེ་ཆེ་ཞུའི་ཆེད་ལག་རྟགས་རེའང་ཕུལ་ཡོད་པ་རེད།

དེ་ནས་སྡེ་དགེའི་དམངས་ཁྲོད་གླུ་དབྱངས་དང་སྡེ་དགེ་བྲོ་ཆེན་སོགས་གླུ་གཞས་འགོ་བཙུགས་པ་དང་། སྒུར་འཐེན་པ་སོགས་བོད་ཀྱི་སྲོལ་རྒྱུན་རྩེད་མོ་ཁག་ཅིག་ཀྱང་སྐུ་མགྲོན་ཚོར་གཟིགས་འབུལ་ཞུས་ཏེ་ཕྱི་ཚེས་ ༡༤ ཉིན་ཁང་སྟོན་ཐུགས་སྤྲོ་ལེགས་གྲུབ་བྱུང་ཡོད་པ་རེད།

བསམ་ཚུལ་འབྲི།

' རྩོམ་འོག་མ།

མི་ཚེ་ནི་ཇ་ཕོར་པ་གང་ཞེས་པའི་གློག་བརྙན་གསར་པར་བྱ་དགའ་ཐོབ་པ།

ཁྲོ་ལ་གསོལ་མགྲོན་ཁང་ལེགས་གྲུབ་དང་ཁང་སྟོན་མཛད་སྒོ།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།