ཁེད།(གབ་ཚིགས)
དཀར་ཡོལ་བྲག་ལ་བརྒྱབ་ན་ཆག་རྒྱུ་མེད། (ཕུག་རོན་བྲག་ཏུ་འབབ་པ།)
རྐང་པས་ཁ་ཟས་ཟ།།ལུས་པོས་སེམས་ཅན་གསོ།（རྩྭ་རྩི་ཤིང་།)
དཀར་གསལ་ཟླ་བ་ཚེས་འདྲ། (གདོང་།)
མཁའ་ལ་ཉི་མ་ཤར་འདྲ། (ཐོད་པ།)
ཁྱི་མོ་དམར་མོ་ཚང་ལ་ཉལ།།ལུག་གཡང་དཀར་སུམ་ཅུ་དེ་ལ་འཁོར། (ལྕེ་དང་སོ།)
འགུགས་མཁས་པས་སྒ་རུ་བཀུག་འདྲ། (མ་ནེ།)
རྒོད་མ་དམར་ཁོ་མ།།རྟེའུ་སྡུག་ནག་རིལ་མ།།སྲབ་མདའ་གཅུས་རིང་མ། །(གློ་བ།སྙིང།ཨོལ་བ།)
བརྒྱ་ལུག་རྡང་ལ་བསྟར་འདྲ། (སོ།)
ཆུང་བ་ང་ལས་ཆུང་བ་མེད།།མང་བ་ང་ལས་མང་བ་མེད།།དྲིན་ཕ་མ་ཡིན་ཡང་ང་ལ་བརྟེན།（རྩྭ་སྔོན།）
ཉིན་ཤི་མཚན་ལངས་མ། (སྐེ་གདངས)
སྟོང་གསུམ་སྡེ་བ་མར་ཉལ་དུས།།ཨ་ཤགས་སྤུན་གཉིས་ཡར་ལངས།།(དོན) ཟོག་རྣམས་ཉལ་རྗེས་རྭ་ཅོ་གནམ་ལ་སློང་བའི་དོན།།ཐུག་ཐུག་ཟེར་ན་མི་ཐུག།མི་ཐུག་ཟེར་ན་ཐུག་པ། (ཡ་མཆུ་དང་མ་མཆུ།)
ཐུག་ཐུག་ལབ་དུས་མི་ཐུག་པར།།མི་ཐུག་མི་ཐུག་ལབ་དུས་ཐུག་པ།།(མཆུ་འགུལ་བ)
སྡིག་སྲིན་རིལ་མ་ས་ལ་འཕངས།།གཡུ་ལོ་རལ་བ་གནམ་ལ་འཕྱུར།（སྔོ་ཚོད།
དུང་དཀར་པོའི་ལྟེ་བ་མཐོ་གང་ས་ལ་ཟུག།གཡུ་སྔོན་པོའི་རལ་བ་ཁྲུ་གང་གནམ་ལ་གཟེངས།（ཡུང་མ།）
དང་པོ་མཛོ་ཕོའི་རྭ་འདྲ།།བར་དུ་དཀྱིལ་འཁོར་ཐིག་འདྲ།།མཐར་མར་རྐུན་མས་བརྐུས་འདྲ།།（ཟླ་བ།
དོམ་ནག་པོ་ཐོད་ན་ཉལ་འདྲ། (སྨིན་མ།)
མདུད་མཁས་པས་རྒྱ་མདུད་བརྒྱབ་འདྲ། (ཨོལ་མདུད།)
མནན་ན་མཐེབ་གང་།།མངགས་ན་རི་གང་། (མིག)
ཕྱི་དམར་དམར་བླ་མའི་ན་བཟའི་མདོག།ནང་དཀར་དཀར་དུང་གི་རང་བཞིན་ཅན།
ཕྱི་དཀར་པོ་གུར་ཆུང་ཕུབ་འདྲ།།ནང་དམར་སྨུག་པོ་ཏི་བརྩེགས་འདྲ།（ཤ་མོང་།）
ཕ་ཉམ་ཆུང་ཤིག་ལྟ་བུ།།བུ་རྒོད་པོ་སྟག་འདྲ་འདྲ།（ལ་ཕུག）
ཕྱེ་ཁུག་དམར་པོའི་རྩམ་པ་ལ།།ལ་ལ་དགའ་ལ་ལ་ལ་སྐྲག །（སིར་པན།）
བན་དེ་བཅུ་ཡིས་མེ་ལ་བསྲོ།།གའུ་བཅུ་དེ་རྒྱབ་ལ་འཕངས། མཛུབ་མོ་བཅུ།
སྦ་སྨྱུག་ཚིགས་གསུམ་རྩེ་མོ་ནས།།གསེར་སེར་པོའི་བྱིའུ་ཆུང་འཕུར་མ་ལྡིང་།（སྙེ་མ།）
མི་རྒན་གཡུ་ཡི་རལ་བ་ཅན།།ལུས་རྒས་ཀྱང་ཙན་དན་དྲི་མ་ཅན།（ཤུག་སྡོང་།）
བཙལ་པས་མ་རྙེད་ཕྱི་ཉིན་ཞོགས་པར་སླེབས།（ཉི་མ།)
གཙང་རྒྱས་ཆབ་ལ་ཡོད།།དམའ་བའི་མཚོ་ལའང་ཡོད།།ཕྱུག་པོའི་ཁྱིམ་ལའང་ཡོད།།སྤྲང་པོའི་སྣོད་ལའང་ཡོད།།（ཆུ།）
རྩིག་མཁས་པས་པོ་ཏི་བརྩེགས་འདྲ། (ཡ་མཆུ།)
རྩ་ཆུང་རུང་ཟས་ཀྱི་གཡང་ཕུད་ཡིན།（གྲོ་མ།）
བཞོན་ཕོད་དེ་ཐུག་མི་ཕོད།།(སྐྱག་པ།)
གཞི་སྒམ་མི་སྒམ་སྒམ་འདྲ།།རྔ་མ་སྔོན་པོ་གཡུ་འདྲ།།(ཐབ་ཀ)
གཟུགས་མེད་བུ་མོ་སྔོ་འབེལ་མ།།སོང་ན་རི་ལུང་འུར་གྱིས་གང་།།（རླུང་།）
ཟོ་དཀར་ནང་གི་ཟས་ཞིམ། (རྐང་མར།)
ཟངས་མའི་སྦུ་གུ་ཉིས་གཤིབ། (སྣ།)
ཟོས་ན་རྩིག་གཞི་ཧྲིག་ཧྲིག །མ་བཟས་རྩིག་གཞི་ཧྲིག་ཧྲིག །(སེལ་པོ།)
ཡུང་མ་ཐང་ཆེན་ཐང་ལ་བརྡལ།།མཚན་མོར་མཐོང་ཞིང་ཉིན་མོར་ཡལ།（སྐར）
གཡག་ཨ་ཡུ་གཅིག་ལ་སྣ་ཐག་བརྒྱ།།(སྦྲ་ནག)
རི་ཐང་མེད་པར་བཀབ་ན་ཡང་།།བལ་ཁ་ཆུ་ཉིལ་ལེ་གནམ་ནས་ལྷུང་།།མ་བཞག་ཕྱིང་དཀར་ས་གཞི་བཀབ།།（ཁ་བ།）
ལག་མེད་མ་ཡིས་དོང་རྐོ།།（ཆུ་ཐིགས།）
ལ་མཐོན་པོའི་སོ་བ་ཉིས་བསྒྲིགས། (རྣ་བ།)
ཤིང་གོག་གཅིག་ལ་འབུ་ཁུང་བདུན། (མགོ)
ཤིང་ཨ་གར་སྒྲོན་ཤིང་སྡོང་པོ་ལ།།ཡར་ལ་གྱེས་པའི་ཡལ་ག་ལྔ།།ཡལ་ག་ལྔ་ལ་མེ་ཏོག་ལྔ། (ལག་པ།)
སྲིབ་སུ་རུ་རོག་པོའི་རོག་རྫོང་ན།།གོ་བོ་ཞིག་གིས་ཉི་འདེ་བྱས།།(མེ་ཏོག་དང་སྤོས་ཤེལ་མགོ་ལ་འདོགས་པ།།)
སྲབ་མེད་མཐུར་མེད་རྟ་སེར་གསེར་སྒ་ཅན།།འཚོ་རྫི་མ་ཐུབ་ནུབ་ཀྱི་རི་ལ་སོང་།
སྲིད་པའི་དྲེལ་རྒན་སྔོ་ཡུ་ལ།།དར་ཚོན་སྣ་ལྔས་ཚེ་སྐུད་བཏགས།（འཇའ།）
བསམ་ཚུལ་འབྲི།
གཏམ་དཔེ་སྣ་ཚོགས།