འདོན་སྤེལ། 2020/01/15 12:54 PM རྩོམ་པ་པོ།

དབུས་བོད་མིའི་སྒྲིག་འཛུགས་ཀྱི་ཆོས་རིག་དྲུང་ཆེ་ཟུར་པ་སྒ་རྗེ་ཁམས་སྤྲུལ་རིན་པོ་ཆེ་འཇམ་དབྱངས་དོན་ གྲུབ་མཆོག་དགུང་གྲངས་༩༣ཐོག་སྤྱི་ལོ་༢༠༡༩་ལོའི་ཕྱི་ཟླ་༡༢་ཚེས་༣༠་ཉིན་དགོངས་པ་གཞན་དོན་དུ་ གཤེགས་པ་ཡིད་སྐྱོའི་གནས་ཚུལ་བསྟན་པ་འདི་ནི་བོད་བསྟན་སྲིད་སྤྱི་དང་། ཡང་སྒོས་དད་ལྡན་སློབ་འབངས་ཡོངས་ལ་གྱོང་གུད་ཆེན་པོ་བྱུང་བར་བློ་ཕམ་ཚད་མེད་དང་བཅས། སྡེ་དགེ་རྒྱལ་ཡོངས་ལྷན་ཚོགས་ཀྱི་ངོས་ནས་དམ་པ་གང་ལ་མྱ་ངན་གུས་འདུད་དང་ཤུལ་ལུས་ནང་མི་དང་ སློབ་འབངས་ཡོངས་ལ་གདུང་སེམས་མཉམ་བསྐྱེད་ཞུ་བཞིན་ཡོད།

དེའང་སྒ་རྗེ་ཁམས་སྤྲུལ་རིན་པོ་ཆེ་སྐུ་ཕྲེང་བཞི་པ་འཇམ་དབྱངས་དོན་གྲུབ་མཆོག་བོད་ཁམས་ལི་ཐང་དུ་སྐུ་འཁྲུངས་ཤིང་སྡེ་དགེ་སྒ་རྗེ་དགོན་གྱི་ཁམས་སྤྲུལ་འགྱུར་མེད་འཕྲིན་ལས་རྣམ་རྒྱལ་མཆོག་གི་ཡང་སྲིད་དུ་ངོས་འཛིན་དང་ཁྲི་འདོན་ཞུས།བོད་རྒྱ་ནག་གིས་བཙན་བཟུང་བྱས་པའི་རྗེས་རྒྱ་གར་དུ་བྲོས་བྱོལ་དུ་ཕེབས་པ་དང་དབུས་བོད་མིའི་སྒྲིག་འཛུགས་ཀྱི་གཞུང་ཞབས་ཆོས་རིག་དྲུང་ཆེ་སོགས་སྲི་ཞུའི་ལས་དོན་གནང་ཡོད་པ་དང་ ལྷག་པར་དུ་འཆི་མེད་དགའ་ཚལ་གླིང་དགོན་པ་ཕྱག་བཏབ་ཅིང་༧གོང་ས་ལྔ་པ་ཆེན་པོའི་གསང་བ་རྒྱ་ཅན་གྱི་ཆོས་སྐོར་ཁག་གི་བསྟན་པ་འཛིན་སྐྱོང་སྤེལ་གསུམ་གྱི་ཞབས་ཕྱི་བསྒྲུབས་པ་བཅས་ཀྱི་རྣམ་ཐར་དག་ལ་ཡི་རང་ཚད་མེད་དང་བཅས།

སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་ནས་ ༢༠༢༠་༠༡་༡༥ ཉིན།

བསམ་ཚུལ་འབྲི།

' རྩོམ་འོག་མ།

སྡེ་དགེ་པ་འཛིན་གྲྭ་བཅུ་པའི་སློབ་མ་ཡོངས་ནས་དོ་སྣང་གནང་དགོས་རྒྱུ་གལ་ཆེ།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།