༄༅། ། ༧སྐྱབས་མགོན་༧ས་སྐྱ་གོང་མ་ཁྲི་འཛིན་ ༤༣ པ་ཛྙཱན་བཛྲ་རིན་པོ་མཆོག་དཔལ་ས་སྐྱའི་ལུགས་ཟུང་གསེར་གྱི་ཁྲི་འཕང་མཐོན་པོར་མངའ་གསོལ་ཁྲི་འདོན་མཛད་སྒོར་མཉམ་ཞུགས་བྱས་པ།
༄༅། ། ༧སྐྱབས་མགོན་༧ས་སྐྱ་གོང་མ་ཁྲི་འཛིན་ ༤༣ པ་ཛྙཱན་བཛྲ་རིན་པོ་མཆོག་དཔལ་ས་སྐྱའི་ལུགས་ཟུང་གསེར་གྱི་ཁྲི་འཕང་མཐོན་པོར་མངའ་གསོལ་ཁྲི་འདོན་མཛད་སྒོ་གནང་བཞིན་པར་གུས་འབངས་སྡེ་དགེ་རྒྱལ་ཡོངས་ལྷན་ཚོགས་ཀྱི་ངོས་ནས་གཞིས་བྱེས་སྡེ་དགེ་བ་ཡོངས་ཀྱི་ཚབ་ཞུས་ཏེ་སྒོ་གསུམ་གུས་པ་ཆེན་པོས་འཚམས་འདྲི་བཀྲ་ཤིས་བདེ་ལེགས་གྲངས་མེད་ཞུ་རྒྱུ་ཡིན།
སླད་ཀྱི་ཆར་ཡང་བདག་ཅག་སྐྱེ་འགྲོ་ཡོངས་ཀྱི་མགོན་དཔུང་དམ་པར་སྐུ་ཚེ་བསྐལ་བརྒྱར་བརྟན་ཅིང་། མཛད་ཕྲིན་ཡངས་པའི་ཁྱོན་ཀུན་ཁྱབ་པའི་བཀྲ་ཤིས་སྨོན་འདུན་གྲངས་མེད་ཞུ་བ་དང་། གུས་འབངས་སྡེ་དགེ་མངའ་རྒྱ་ཞིང་ཁམས་ཀྱི་འདས་གསོན་རྣམས་ཐུགས་རྗེ་ཆེན་པོའི་དཀྱིལ་འཁོར་གྱི་ར་བ་ལས་མི་འདོར་བ་བླང་དོར་ལམ་སྟོན་གྱི་བཀའ་སློབ་གང་མང་བསྩལ་གནང་ཡོང་བའི་གསོལ་འདེབས་ཞུ་རྟེན་དུ་རབ་དཀར་ལྷ་རེག་གཙང་མས་སྣེ་དྲངས་ཏེ་ས་ངོར་ཚར་གསུམ་གྱི་སྐུ་ཐང་སྤུས་ལེགས་ཤིག་འབུལ་ལམ་ཞུས་པ་ལགས་ན་དེ་དེ་བཞིན་དུ་དགྱེས་གཟིགས་ཡོང་བ་མཁྱེན་མཁྱེན་ཞེས།
གུས་སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་ནས་ ༢༠༢༢ ཟླ་ ༣ ཚེས་ ༡༦ ཉིན་དད་གུས་ཆེན་པོས་ཕུལ། །
བསམ་ཚུལ་འབྲི།
༄༅། །འཛམ་གླིང་ཤར་ནུབ་གང་དུ་བཞུགས་ཡོད་པའི་རང་རེེའི་སྡེ་དགེ་བ་ཕུ་ནུ་མིང་སྲིང་ཡོངས་ལ་སྡེ་དགེའི་ཉིན་མོའི་གསལ་བརྡ།