༄༅། །མཁྱེན་དཔྱོད་ཀྱི་འོད་སྣང་ལུགས་གཉིས་དཔལ་གྱི་མཁའ་དབྱིངས་ན་འཚེར་བཞིན་པའི་ཆོས་རྒྱལ་སྡེ་དགེ་རྒྱལ་པོའི་ལྷ་འབངས་སུ་གཏོགས་པའི་རྒྱ་ཆེའི་རྩོམ་རིག་པ་ཡོངས་ལ་ཆེད་གསོལ།
དེ་ཡང་སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་ནས་བོད་ཀྱི་རིག་གནས་སྤྱི་དང་། ལྷག་པར་དུ་ཕ་མེས་རིམ་བརྒྱུད་ནས་བྱུང་བའི་རྩོམ་རིག་གི་ནུས་སྟོབས་གོང་འཕེལ་ཆེད། དབུས་རྒྱུད་སྐབས་རེའམ་མི་ལོ་གསུམ་རེའི་མཚམས་སུ་སྡེ་བཞིའི་དཔལ་ཡོན་ཞེས་པའི་ཆེད་དེབ་རེ་འདོན་སྤེལ་ཞུ་མུས་སུ་ཡོད་པ་ལྟར། ཆེད་དེབ་འདོན་ཐེངས་ ༣ པ་དེ་འདི་ལོར་རྩོམ་སྒྲིག་དང་། འགྲེམས་སྤེལ་བྱ་རྒྱུར་ཐག་ཆོད་སོང་བས། ཤེས་རིག་བཀྲ་བའི་སྨྱུག་འཛིན་པ་ཚོས་ཚིག་བཅད་ལྷུག་སྤེལ་གསུམ་གང་རུང་གི་ལུས་སུ་བྲིས་པའི་ལོ་རྒྱུས། དཔྱད་རྩོམ། སྒྲུང་རྩོམ།སྙན་ངག་བཅས་ཀྱི་ཡིག་ཚོགས་མང་ཉུང་རན་ཞིང་། སྤྱི་སྨན་རང་བཞིན་ཅན་གྱི་རྩོམ་ཡིག་གསར་པ་སྤུས་ལྡན་རིགས་འདི་ལོའི་ཕྱི་ཟླ་ ༧ པའི་ནང་ཚུན་དབུས་ཡིག་ཚང་དུ་མཁོ་གཏོང་གནང་རྒྱུར་བཀའ་དྲིན་མ་ཆུང་ཞུ།
ཁྱད་པར་དུའང་རྩོམ་ཡིག་དག་གི་བརྗོད་བྱ་ནི་སྡེ་དགེའི་ཡུལ་ལུང་གི་དཔལ་ཡོན་དང་འབྲེལ་ཐུབ་དགོས་ལ། དེའང་གོང་ཞུས་ལྟར་ལོ་རྒྱུས་སོགས་རྩོམ་གསར་སྤུས་ལྡན་རིགས་བཅས་ལ་དམིགས་ནས་སྙན་ངག་གི་ས་མིག་ཆུང་ངུ་ཙམ་ཡིན་པས་དེ་ལུགས་ཐུགས་ལ་འདོགས་པར་ཞུ།
རྩོམ་བསྐུར་ཡུལ།
གློག་འཕྲིན། [email protected] ཁ་པར་ཨང་། 9857888999
སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་ནས། ཕྱི་ལོ་ ༢༠༢༢ ཟླ་ ༡ ཚེས་ ༡༡ ཉིན།
བསམ་ཚུལ་འབྲི།
༄༅། ། ༧སྐྱབས་མགོན་༧ས་སྐྱ་གོང་མ་ཁྲི་འཛིན་ ༤༣ པ་ཛྙཱན་བཛྲ་རིན་པོ་མཆོག་དཔལ་ས་སྐྱའི་ལུགས་ཟུང་གསེར་གྱི་ཁྲི་འཕང་མཐོན་པོར་མངའ་གསོལ་ཁྲི་འདོན་མཛད་སྒོར་མཉམ་ཞུགས་བྱས་པ།